॥ श्री रूद्राष्टक॥
॥चौपाई॥
नमामीशमीशान निर्वाणरूपम् । विभुं व्यापकं ब्रह्मवेदस्वरूपम् ॥
अजं निर्गुण निर्विकल्पं निरीहम् । चिदाकाशमाकाशवासं भजेऽहम् ॥
निराकारमोङ्कारमूलं तुरीयम् । गिराज्ञानगोतीतमीशं गिरीशम् ॥
करालं महाकालकालं कृपालुम् । गुणागारसंसारपारं नतोऽहम् ॥
तुषाराद्रिसंकाशगौरं गभीरम् । मनोभूतकोप्रिया श्रीशरीरम् ॥
स्फुरन्मौलिकल्लेलिनीचारूगङ्गा । लसद्भालवालेन्दु कण्ठे भुजङ्गा ॥
चलत्कुण्डलं शुभ्रनेत्रं विशालम् । प्रसन्नाननं नीलकण्ठंदयालुम् ॥
मृगाधीशचम्मम्बरं मुण्डमालम् । प्रियं शङ्करं सर्वनाथंभजामि ॥
प्रचण्डं प्रकृष्टं प्रगल्भं परेशम् । अखण्डं अजं भानुकोटिप्रकाशम् ॥
त्रयः शूलनिर्मूलनं शूलपाणिम् । भजेऽहं भवानीपतिं भावगम्यम् ॥
कलातीत कल्याण कल्पान्तकारी । सदा सज्जनानन्ददाता पुरारी ॥
चिदानन्द सन्दोह मोहापहारी । प्रसीद प्रसीद प्रभो मन्मथारी ॥
न यावद् उमानाथ पादारविन्दम् । भजन्तीह लोके परे वा नराणाम् ॥
न तावत्सुखं शांति सन्तापनाशम् । प्रसीद प्रभो सर्वभूताधिवासम् ॥
ना जानामि योगं जपं नैव पूजाम् । नतोऽहं सदा सर्वदा शम्भु तुभ्यम् ॥
जराजन्म दुःखौ घतातप्यमानम् । प्रभो पाहि आपन्नमामीश शम्भो ॥
रुद्राष्टकमिदं प्रोक्तं विप्रेणा हरतोषये । ये पठन्ति नरा भक्तया तेषां शम्भु प्रसीदति ॥
